Plantun de Prouvènço

Pèr coumpara dos planto d'encò nostre

Abies nordmanniana & Capsella bursa-pastoris subsp. pastoris

Sapin-(de-Nordmann)

Abies nordmanniana

Pinaceae

Àutri noum : Sapin-(dóu-Caucase), Sap, Sapino, Abet, Sapi.

Noms en français : Sapin de Nordmann, Sapin du Caucase.

Descripcioun :
Lou sapin-de-Nordmann trachis naturalamen dins lou Caucase. Au nostre es esta planta pèr lou rebouscage. Sèmblo proun à nosto sapino, Abies alba, pamens li fueio soun un pau mai longo (+ 1/4) e pas touto dins lou meme plan, que n'i'a que vènon sus lou dessubre. Tambèn lou bout de la fueio a uno marco que la fai un pau bifido (fotò). Li bourroun soun pas resinous au contro d'Abies bornmuelleriana. Coumpara emé lou sapin dóu nostre que ié sèmblo proun .

Usanço :
Dèu agué li mémis usanço que la sapino. Es aquéu sapin qu'èi vendu majamen pèr Nouvè.

Port : Aubre
Taio : 10 à 50 m
Fueio : aguio escaumo
Tipe bioulougico : Faneroufite
Cicle bioulougico : Planto renadivo

Gènre : Abies
Famiho : Pinaceae

Ordre : Pinales

Coulour de la flour : Roso
Petalo : ges
Ø (o loungour) enflourejado : 10 à 15 cm
Flourido : Printèms

Sòu : Ca
Autour basso e auto : 400 à 1900 m
Aparado : Noun
Abriéu à jun

Liò : Sapiniero
Estànci : Subremediterran à Subaupen
Couroulougi : Óurigino pountico
Ref. sc. : Abies nordmanniana (Steven) Spach, 1841

Bourso-à-pastre

Capsella bursa-pastoris subsp. pastoris

Brassicaceae Cruciferae

Àutri noum : Erbo-dóu-cor, Erbo-de-l'evangèli, Carnié-de-pastre, Nastou-fèr, Nestoun.

Nom en français : Bourse-à-pasteur.

Descripcioun :
Lou biais lou mai eisa pèr la recounèisse èi de segur si pichot boursèu en formo de cor (l'erbo-dóu-cor) que dounon d'èr i bourso di pastre d'à passa tèms. Coume flouris dins li champ quàsi tout de long de l'annado es eisa de la rencountra. Isto peréu la meno rubella, rouginasso, emé de boursèu un pau mai larg.

Usanço :
La bourso-à-pastre rintro dins la coumpousicioun de l'ensalado champanello, mai tout se manjo dins aquelo planto, di racino i flour. De la meme famiho que la moustardo (Brassicaceae), n'a tambèn un pau lou goust. Li chinés la cultivon coume liéume. Ei couneigudo peréu pèr èstre vertuouso contro li proublèmo de circulacioun dóu sang (cambo lourdo, moureno...).

Port : Erbo
Taio : 5 à 40 cm
Fueio : basalo
Tipe bioulougico : Teroufite
Cicle bioulougico : Planto de l'an

Gènre : Capsella
Famiho : Brassicaceae
Famiho classico : Cruciferae

Ordre : Brassicales

Coulour de la flour : Blanco
Petalo : 4
Ø (o loungour) flour : 3 mm
Flourido : Printèms Autouno - Ivèr

Sòu : Ca
Autour basso e auto : 0 à 1800 m
Aparado : Noun
Remarco : Ensalado champanello
Janvié à desèmbre

Liò : Champ - Ermas - Camin - Escoumbre e proche dis oustau
Estànci : Termoumediterran à Subaupen
Couroulougi : Bourealo
Ref. sc. : Capsella bursa-pastoris subsp. pastoris (L.) Medik., 1792

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

CCC

Abies nordmanniana & Capsella bursa-pastoris subsp. pastoris

ges

RRR

ges

Coumpara Sapin-(de-Nordmann) emé uno autro planto

Coumpara Bourso-à-pastre emé uno autro planto